(ВИДЕО) ВЕЧЕРВА ФАКТОР МАГАЗИН: До кога здравството ќе биде клинички случај?
Објавено во: Македонија 17 Декември, 2017
Македонското здравство никако да крене глава од хаосот кој наместо да се средува состојбата станува се поалармантна. До кога здравство ќе биде клинички случај?
Ќе останеме без лекари, каде се заглавени медикаментите, каква е ефикасноста на пропишаната терапија и мафијаското криумчарење со штетни лекови ? За квалитетот на здравените услуги, реформите одливот на лекари во емисијата зборуваме со тројца поранешни директори на Фондот за здравство на различни владини и партиски групации. Професорите Никола Пановски, Рубинчо Заревски и д-р Маја Парнаџиева Змејкова, директорката која имаше морален код да се повлече од функцијата под притисок на јавноста за смртта на малата Тамара.
Д-р Драган Данкуц е директор на клиниката за уво, грло и нос на Клиничкиот центар во Војводина. Тој е професор на медицинскиот факултет во Нови Сад и претседател на лекарското друштво. Данкуц во рамките наконцептот контрасти компарции паралели зборува за здравствениот систем и положбата на лекарите во Србија. Во емисијата и новинарката Менче Атанасова Точи која долги години ги опсервира случувањата во здравството.
Во втoриот дел од политичко-економскиот магазин и за инклузивноста на лицата со хендикеп во македонското општество.
Александар Матовски е 26 годишно момче со Даунов синдром. Многумина го знаат како Цако. Неговите родители во една книга сведочат за предизвиците и искушенијата низ кои минувале со нивниот син.
Исплашени, посрамотени и исклучени од општеството многумина од нив цел живот го минуваат затворени. Родители жртвуваат кариера и даваат откази од работа само за да останат дома со своето хендикепирано дете. Зошто лицата со хендикеп немаат соодветни услови за образование? Зошто не може да се спречи сегрегацијата при вработување на хендикепираните и како да престанат да се кршат нивните работнички права? Какви бариери им поставува државата?
На овие прашања и дилеми дискутираме со Елена Кочоска од Полио Плус и Јадранка Аризанковска од Стопанска Комора на Македонија.
Гледајте Фактор магазин недела во 20.45часот на ТВ24.