(ВИДЕО) ВО ОВА СЕЛО Е ТОЛКУ СТУДЕНО ДА НЕМААТ ОД ШТО ДА ЖИВЕАТ: Го копаат дното во замрзната река и бараат злато!

Добивај вести на Viber

Животот во селото Таш-Башат во регионот Нарјин во Киргистан, на некои 345 километри од престолнината Бишкек, воопшто не е лесен. Во текот на студените зимски месеци поради недостиг на работа на фармите, луѓето се свртуваат кон копање на злато, и тоа во замрзната вода.

Златото е главен минерал кој се ископува во Киргистан. Рудникот Кутмор произведува до 18 тони злато годишно и сочинува осум отсто од бруто домашниот производ на земјата. Но, на периферијата Таш-Башат нема рудник. Злато може да се пронајде само во замрзнатата река Нарјин.

Дел од реката која тече низ ова село е богата со злато, но само на селаните им е дозволено да го бараат. Други луѓе не се добредојдени.На оваа река постојат уште две вакви места.

Секој ден од декември до крајот на февруари луѓето газат низ студената замрзната река барајќи злато, пркосејќи им на температурите од минус 40.

„Со пријателите и школски другари доаѓам овде да барам злато. Тие (пријателите) го подесуваат огнот како би ги исушиле нашите инструменти. Бидејќи е зима, а просечната температура е -40 степени Целзиусови, така мораме да ги одмрзнуваме инструментите“, рекол Санарбек Атабајев.

Луѓето од ова село морале да почнат да се занимаваат со барање на злато бидејќи во текот на зимата нема работа . Според нивните зборови, подобро е да работат нешто отколку да „денгубат“.

Иако пронаоѓаат исклучително мала количина на злато, тврдат дека тоа е и добро бидејќи во некои денови заминуваат дома и со празни раце.