(ВИДЕО) Во Солун за малку ќе линчуваа поранешен министер кого го сметаат за предавник
Објавено во: Балкан 23 Јануари, 2018
Дел од демонстрантите кои учествуваа на неделниот митинг во Грција против употребата на називот „Македонија“ во решението за името, се обидоа да го нападнат грчкиот поранешен заменик-министер за образование, Костас Зурарис.
Неговите телохранители набрзина го одведоа во автомобилот додека демонстрантите трчаа зад него заканувајќи се дека ќе го линчуваат.
Зурарис важи за контроверзна личност и е член на партијата „Независни Грци“, а е жесток противник на употребата на називот „Македонија“ во новото име.
Тој беше обвинет дека е предавник на оваа позиција бидејќи беше министер во владата која се залага за ново име кое ќе го содржи терминот „Македонија“
Зуарис минатата недела поднесе оставка од функцијата поради негови навредливи коментари против фудбалски навивачи.