(ВИДЕО ВО ЖИВО) ПРОДОЛЖУВА ОФАНЗИВАТА ВО МОСУЛ: Преземање на овој град-опасност за Европа од џихадисти!
Објавено во: Свет 18 Октомври, 2016
Ирачките сили напредувале источно од Мосул бидејќи покренале офанзива за ослободување на градот кој е во раце на џихадистите од Исламска држава. Се проценува дека во Мосул има околу пет илјади џихадисти кои поседуваат тешко вооружување.
Се стравува дека битката за Мосул долго ќе трае и ОН се плашат дека тоа би предизвикало хуманитарна катастрофа за околу милион и пол жители кои живееат во Мосул, вториот град по големина во Ирак, и последното големо засолниште на џихадистите во таа земја.
Околу 300 припадници на ирачките сили учествуваат во офанзивата.
Пентагон соопшти дека операцијата добро почнала, дека ќе биде тешка и ќе бара доста време.
Долгоочекуваната офанзива на ирачките сили за безбедност и Курдите за ослободување на Мосул ја забавуваат бомбите кои џихадистите ги остваат зад себе.
Ирачката војска во текот на ноќта над Мосул фрлала летоци во кои се наведуваат инструкции за безбедност на населението.
Аналитичарите сметаат дека преземањето на Мосул би значело пораз за Исламска држава во Ирак.
Европската унија, истовремено, предупредува на опасност од прилив на џихадисти на ИСИС во Европа ако успее ирачката офанзива и Мосул биде ослободен.
Француското министерство за одбрана соопштило дека мнистрите за одбрана на водечките земји на меѓународната антиџихадистичка воена коалција ќе се состанат на 25 октомври во Париз како би разговарале за битката за преземање на Мосул.
Мосул во летото 2014 година падна во раце на исламистите, кога екстремистите заземаа големи делови од источен и централен Ирак.
Во видеото подолу РТ во живо ја пренесува офанзивата, следете ја