(ВИДЕО) ЖИВОТ МЕЃУ САНТИ ЛЕД: Овде пијат најчиста вода и не сакаат да пробаат ништо друго
Објавено во: Свет 15 Јули, 2017
Најдобра вода е онаа од ледените санти. Барем така велат жителите на мала заедница на смрзнатиот север на кандската провинција Нанавут.
„Некои луѓе овде користат само лед со санта за вода. Барем нив ги имаме во изобилие. Понекогаш бродовите не можат да поминат низ нашиот канал поради количините огромен лед“, раскажува за БиБиСи Ален Кунелиси, еден од најстарите жители на Кукикукитарјуака (Qikiqtarjuaqa).
Тоа е мала заедница од некои шестотини жители, но интересно е дека забележале раст на бројот на жители од пописот од 2011 година. Секоја година издвојуваат две недели во текот на божиќните и новогодишни празници за прослава, а посебно за прифаќање на посетители. Некогаш во близина имале и систем на радар со кој Американците сакале да детектираат советски авиони вооружени со нуклеарни бомби и така да запрат можен напад преку Севериот пол.
Денес тоа е значајно мирно опкружување и еднаш годишно пешачат околу 90 км до одамна напуштената рибарска станица во интересни цели. Имено, прошетката е наменета за подигање на свеста за самоубиства и поттикнува подобри односи меѓу заедницата.
Алан вели дека големите санти може да бидат доста застрашувачки, а посебно кога се распаѓаат.
„Верувам дека тоа е поради климатските промени. Некогаш одамна не се распаѓаа толку, сега тоа е нормална појава“, вели тој.
Земање лед од санта е важна традиција, а посебно уживаат во готвење чај со кристално чиста вода од стопен мраз.
„Некоја вода од копното потемни, некогаш има вкус на метал, а тоа го нема во водата од сантата. Поради тоа чајот е толку вкусен“, раскажува Алан.