(ВИДЕО+ФОТО) Огромна дупка се појави среде најголемата брана во САД
Објавено во: Свет 11 Февруари, 2017
Се појави голема дупка во браната „Оровил“ која со 230 метри висина е највисоката брана во САД.
Дупката во преливникот на највисоката брана во САД и натаму се шири, но властите тврдат дека граѓаните кои живеат во нејзина близина не се во опасност, наведува Еј-Би-Си Њуз.
Во вторникот, на преливникот долг 1.500 метри по кој се празни водата од вештачкото езеро, се отвори дупка долга 80 сантиметри, 50 широка и 10 сантиметри длабока.
Инженерите и натаму не знаат што е причината за рушење на преливникот. Велат дека дупката ќе се зголемува се додека не се спои со речното корито на реката Перо.
Секторот за водени ресурси во Калифорнија ја испушта водата преку оштетеното место.
Браната „Оровил“ на реката Перо се наоѓа на околу 240 километри од Сан Франциско, а нејзиното вештачко езеро Оровил е едно на најголемите вештачки езера во Калифорнија.
Таа е изградена уште во 1968 година, хидроелектраната „Оровил“ има капацитет од 819 мегавати.