Добивај вести на Viber
Портпаролот на Меѓународниот монетарен фонд, Џери Рајтс денеска изјави дека ММФ во никој случај не побарале затварање на грчката радио телевизија ЕРТ, како дел од мерките за штедење во Грција.
„Последната одлука во врска затварањето на ЕРТ е на грчката влада. Економската владина програма е подржана од ММФ и предвидува реформа на администрацијата, но нема специфични препораки за одлуки, кои се однесуваат на јавните компании“, изјави Рајтс.
И денеска отпуштените вработени од Грчката државна радио телевизија, ЕРТ протестираа во центарот на Атина пред разговорите на претставници на владината коалиција околу судбината на овој медиум.
По неуспешните преговори вчера, премиерот Андонис Самарас најави нова средба со коалиционите партнери, трета во оваа недела, на која ќе се разговара за можното рестартирање на ЕРТ.