Вкупно 120 милиони евра за да се доградат проблематичните автопати
Објавено во: Македонија 28 Јули, 2017
Држвата ќе мора да вложи или да најде дополнителни 120 милиони евра за да се доврши започнатата изградба на проблематичните автопатски делници на кои се пронајдени поголем број на недостатоци и неправилност.
Министерот за транспорт и врски Горан Сугарески соопшти дека за изградбата на автопатот Охрид - Кичево ќе бидат потребни дополнителни 100 милиони евра, додека за автопатот Миладиновци - Штип ќе бидат потребни дополнителни над 20 милиони евра за санација на направените пропусти.
На прес-конференцијата во Владата, министерот Сугарески истакна дека при проверката на архивата најден е документ со кој се бара склучување анекс за продолжување на изградбата на оваа автопатска делница.
Тој рече дека веќе имале средба со претставници на кинеската компанија „Синохидро“ и најави дека ќе ги надминат проблемите што ги наследиле и оти автопатите ќе бидат изградени.