Владата повторно се задолжи за да се раздолжи
Објавено во: Финансии 04 Јули, 2017
Државата денес се задолжи со нови 27 милиони евра, речиси 3 милиони евра повеќе од планираното. Министерството за финансии на денешната аукција на државни хартии од вредност издаде шестмесечни државни и 12 месечни записи и обврзница со рок на доспевање од 15 години.
По основ на досепани долгови, утре на кредиторите треба да им врати 7,8 милиони евра. Од Министерството соопштија дека задолжувањето на домашниот пазар се прави за да се обезбедат средства за покривање на дефицитот по најниска каматна стапка.
Претходно, министерот за финансии, Драган Тевдовски изјави дека ќе го скрати бројот на задолжувања на два пати месечно, но дека владата ќе се насочи повеќе кон домашни задолжувања. За еврообврзницата сеуште се прават анализи.
Критики за задолжувањето стигнаа од опозициската ВМРО-ДПМНЕ за недомаќинско работење на новата влада.„Министерството за финансии на денешната аукција на хартии од вредност министерството се задолжи за 27, 2 милиони евра, а утре доспеваат за враќање само 7,8 милиони вера. Министерот Тевдовски побрза да се правда, но сепак дилемата останува со што СДСМ одлучил да повлече 3 милиони евра повеќе од тоа што беше во проспектот“, изјави Лилјана Кузмановска од ВМРО-ДПМНЕ.