ВМРО-ДПМНЕ го одложи протестoт за Темелко за 3 декември
Објавено во: Македонија 26 Ноември, 2017
ВМРО-ДПМНЕ го одложи протестoт кој вечерва требаше да се одржи пред Владата во 19 часот. Протестот е одложен за декември.
Протестот беше закажан поради одлуката за продолжување на притворот за градоначалникот на Општина Пустец, Едмонд Темелко.
Сепак Кривичниот суд денеска му ја укина мерката притвор на Темелко и му ја замени со куќен притвор.
Темелко беше притворен во септември на барање на Специјалното јавно обвинителство затоа што тој е обвинет во предметот за изборни нерегуларности „Титаник“, а не ја почитувал мерката на претпазливост која му беше определена забрана за напуштање на државата.