ВМРО-ДПМНЕ ја започна кампањата локално - Костадиновски го предупреди Заев
Објавено во: Македонија 23 Октомври, 2016
Владејачката партија ВМРО-ДПМНЕ повторно ќе го користи локалниот терен во предизборната кампања каде ќе се фали што се направила и сработила изминатите година, колку вложила во инфраструктура и проекти и ќе ја користи реториката дека Зоран Заев ќе бил испратен во историјата на 11 декември откако ќе се соочел со народот. Токму таа шема ја следеше Ванчо Костадиновски кој беше заменик министер за земјоделие.
- Во изминатиот период само во општина Зрновци, ВМРО-ДПМНЕ преку своите политики во земјоделието има обезбедено повеќе од 2 милиони евра за повеќе проекти, вклучувајќи ги и субвенциите, а многу средства се обезбедени и за локалната инфраструктура. Во дискусијата со граѓаните разбирам дека на сите име преку глава и сакаат да стават крај на оваа политичка криза со тоа што едвај го чекаат 11-ти декември дефинитивно да му го покажат патот на Заев и на целата структура околу него и дека пазарењето со македонските национални интереси е неприфатливо за граѓаните на Зрновци и на цела Македонија, изјави Костадиновски.