ВМРО-ДПМНЕ: Кога СДСМ повикуваше инвеститорите да не купуваат еврообврзница направи огромна штета
Објавено во: Македонија 21 Јуни, 2017
ВМРО-ДПМНЕ не го прифаќа објаснувањето на Министерството за финансии за новото задолжување кое е наменето за враќање на стари долгови туку дека вината за лошата состојба на финансискиот пазар ја наоѓа во СДСМ и затоа тие немаат легитимитет да зборуваат за цената која ја плаќаат за еврообврзницата. Поради нивната антидржавна политичка кампања што ја водеа минатата година, посочуваат од ВМРО-ДПМНЕ, сега граѓаните плаќаат 20 милиони евра повисока кампања.
- Благодарение на писмата кои тие како партија ги пишуваа до инвеститорите и ги повикуваа да не ја купуваат еврообврзницата тие ги чинеа македонските граѓани 20 милиони евра. Ова беше рамно на финансиски тероризам против својата земја. Сега хипокризијата во СДС го достигна врвот. Сега тие лицемерно изјавуваат дека затоа што се поправила политичката ситуација се намалила каматата. СДС беше причината за кризата, стои во реакцијата на ВМРО-ДПМНЕ.
Според ВМРО-ДПМНЕ, СДС била партијата која креирала хистерија и тоа била причината за повисоката камата.
- Пазарот на пари беше и тогаш и сега ликвиден, односно има пари, но СДС секогаш е причината поради кои граѓаните скапо плаќаат. Вака ќе биде ситуацијата со пазарот на пари се до следната хистерија која СДС ќе ја предизвика, се наведува во реакцијата.