ВМРО-ДПМНЕ на протест за одбрана на националните интереси
Објавено во: Македонија 24 Февруари, 2017
ВМРО-ДПМНЕ и Коалицијата „За подобра Македонија“ ќе протестираат денеска во Скопје.
Протестот се најавува на социјалните мрежи и треба да започне во 17 часот на плоштадот Македонија во Скопје.
Од партијата велат дека протестите се со цел заштита на националните интереси и спречување на дефакторизација на македонскиот народ.
Лидерот на ВМРО-ДПМНЕ, Никола Груевски, вчера го критикуваше напредокот на разговорите меѓу СДСМ и албанските партии, со оценка дека тоа е обид да се “редефинира Македонија и да се дефакторизира македонскиот народ“. Тој кажа дека може да има и тензии.