ВМРО-ДПМНЕ по анкетите ги охрабрува СДСМ на предвремени парламентарни
Објавено во: Македонија 14 Септември, 2017
Во реакцијата на ВМРО-ДПМНЕ за анкетата која Телма ја објави, а е изработена од МЦМС и М-Проспект се вели дека сега СДСМ може да се охрабрат и да излезат на предвремени парламентарни избори.
- Само така ќе се расчистат дилемите, односно забуните кои се створија бидејќи денес беше објавена истата оваа анкета, изработена од истите луѓе пред само еден месец која покажала сосема други резултати.
Според Анкетата од крајот на месец јули резултатите од МЦСМ покажале дека ВМРО-ДПМНЕ e со стабилна предност пред СДСМ. Имено, на прашањето Доколку утре се одржат избори за која партија би гласале, 27.1 отсто од испитаниците се одлучиле за ВМРО-ДПМНЕ, додека за СДСМ 22.7 отсто, велат од ВМРО-ДПМНЕ.
Според оваа анкета СДСМ има водство од 3%, Заев има раст на рејтингот, додека пак околу 60% од граѓаните за задоволни од работата на новата Влада.