ВМРО-ДПМНЕ: Поради политиките на СДСМ граѓаните трошат повеќе од пред една година

Добивај вести на Viber

Oд ВМРО-ДПМНЕ велат дека покачувањето на цените и порастот на трошоците за живот почнуваат да стануваат реалност..

Од партијата наведуваат дека домаќинствата во земјава  благодарение на политиките на СДСМ денес трошат повеќе од пред една година, што дополнително ќе се одрази на нивниот животен стандард. 

„Ова првенствено се должи на покачувањето на акцизата на дизел горивата од 3.5 денари, која ги зголеми трошоците за живот за течни горива за 12,7%, но и трошоците за транспортни услуги за 5,3%. Трошоците за живот во споредба со јануари 2017 се зголемени и за другите производи и услуги. Цените на мало исто така во споредба со јануари 2017 година пораснале и тоа кај земјоделските производи, индустриските производи, прехранбените производи и услугите. Порастот на трошоците за живот е најголем пораст во последните неколку години и е доказ за неспособноста на СДСМ да ја води економијата. СДСМ е без идеја и продолжува со катастрофалните политики во економската сфера. Наместо нови вработувања имаме стотици отпуштања од работа. Наместо поволности за бизнисот имаме влошување на условите за водење на бизнис преку поскапување на основните средства за водење на бизнис. Младите не се враќаат, туку повеќе си заминуваат. Државата не ги подобрува условите, туку ги влошува. Политиките на СДСМ ја водат државата кон економското дно. Наместо живот дојде беда“ се вели во соопштението на ВМРО-ДПМНЕ“ - стои во соопштението од ВМРО-ДПМНЕ. 

Според податоците на Државниот завод за статистика, индексот на трошоците на животот во јануари 2018 година, во  однос на претходниот месец, изнесува 99.6, а индексот на цените на мало 99.9.

Пораст на индексите на трошоците на животот во јануари 2018 година, во споредба со претходниот месец, е забележан  кај свежото и разладеното овошје за 2.6%, рибата и морските плодови за 1.3% и јајцата за 0.3%.