ВМРО-ДПМНЕ со порака до СДСМ - Време е да почнете да работите
Објавено во: Македонија 18 Јуни, 2017
ВМРО-ДПМНЕ ја критикува СДСМ дека не започнала сериозно да работи што особено се покажало со проблемот со струшката депонија која го загрозува здравјето на граѓаните поради неспособноста на владината коалиција.
Владата на СДС дозволи граѓаните на град Струга да го дишат штетниот воздух десет дена. Со самото гасење на депонијата нема да се реши овој проблем, бидејќи постои опасност повторно да се запали, а истовремено има ризик да ја контаминира земјата и подземните води кои се влеваат во Охридското езеро и во реката Црн Дрим. Владата на СДС не ги сослуша барањата на граѓаните бидејќи приоритет им е креирање црни сценарија за раководството на ВМРО-ДПМНЕ, велат од опозициската партија.
Пратениците од ВМРО-ДПМНЕ и коалицијата „За подобра Македонија“, за доброто на граѓаните во четвртокот побараа по итна постапка да се одржи седница на која што ќе се разгледува алармантната состојба во Струга, но Талат Џафери се обиде да ја замолчи расправата и да не дозволи процедурални забелешки на пратениците од ВМРО-ДПМНЕ. Време е СДС да почне да работи бидејќи ја води владата на Република Македонија, соопштуваат од ВМРО-ДПМНЕ.