ВМРО-ДПМНЕ: Заев е уценет, лаже и сака набрзина да ја протне Тиранската платформа

Добивај вести на Viber

ВМРО-ДПМНЕ реагира на интервјуто на Зоран Заев за Дојче Веле во кое вели дека главната цел на Груевски и неговите соработници е да се изборат за амнестија за сите сторени злодела.

- Зоран Заев не може да сфати дека некој искрено ја сака Македонија и дека некој искрено и чесно се бори за одбрана на државните и национални интереси. Кај него се е предмет на пазарење и преговарање. Затоа Заев лаже и клевети. ВМРО-ДПМНЕ ниту барало амнестија, ниту има причина да бара амнестија. ВМРО-ДПМНЕ секогаш било на страна на народот и државата. Тоа е разликата меѓу ВМРО-ДПМНЕ и криминалецот Заев.

Овојпат ризикот е цела Mакедонија да стане жртва на антидржавното однесување на Заев. Тој се обидува цела држава да ја држи како заложник за да се спаси од криминалите во кои тој до гуша е заглавен.

Затоа е подготвен набрзина да ја спроведе Тиранската Платформа, затоа е подготвен спротивно на Деловникот да избере тирански претседател на Собранието, затоа е подготвен да нареди да се пука кон сопствениот народ.

Криминалецот Заев и врхушката околу него, освен што ги измами граѓаните, освен што  ја погази волјата на граѓаните, освен што ги погази Уставот, Деловникот и законите, освен што нареди да се пука по граѓаните, систематски работи на распродажба на државните и националните интереси само за да се добере до власт, стои во реакцијата на ВМРО-ДПМНЕ.