ВМРО-ДПМНЕ: Заев треба што е можно поскоро да ја отфрли Тиранската платформа
Објавено во: Македонија 17 Март, 2017
Од ВМРО-ДПМНЕ велат дека лидерот на СДСМ, Зоран Заев не собра храброст да се огради и да ја отфрли Тиранската платформа.
Велат дека загриженоста и револтот на граѓаните расте токму заради неискреноста на Заев. Затоа сметаат дека Заев треба што е можно поскоро да ја отфрли Тиранската платформа и да се откаже од реализација на елементите содржани во неа.
„ВМРО-ДПМНЕ го охрабрува Зоран Заев уште еднаш да се откаже од уцената. Зоран Заев нека се откаже јасно и гласно од Тиранската платформа, а ВМРО-ДПМНЕ ќе даде поддршка за малцинска влада. Втората опција која му стои на располагање е да прифати нови парламентарни избори заедно со локалните каде граѓаните ќе може демократски да изберат програма,платформа, вклучително и онаа од Тирана, доколку во неа верува Зоран Заев“ - се вели во соопштението на ВМРО-ДПМНЕ.
Од партијата наведуваат дека без срам според нив, кримининогениот СДСМ отиде до таа крајност велејќи дека ќе дебатираат по прашања кои се од национален и државен интерес, консултирајќи партиски експерти од потписниците на Тиранската платформа.
„Дебатата започна да се реализира на дело. Питер Ванхауте откривајќи ги намерите на аболицираниот Зоран Заев отвори дебата за федерализација на Република Македонија. За оваа скандалозна изјава на Питер Ванхауте, криминогениот СДСМ молчи, како што молчи и за шокантните изјави на албанската пратеничка Месила Дота, која директно се закани на аболицираниот Зоран Заев дека ако тој отстапи од платформата, тогаш сите Албанци ќе се ангажираат околу остварување на сонот за Илирида. Молчат и кога Зијадин Села, го негираше македонскиот идентитет, велејќи дека пред 100 години Македонци не постоеле на овие простори“ - објаснуваат од ВМРО-ДПМНЕ.
Молчат и за скандалозната изјава на Трифун Костовски во која јасно и гласно вели да им се одземе правото на Македонците по потекло од Егејска Македонија да го кажат сопственото мислење и да се борат во заштита на највисоките државни и национални интереси“ - додаваа од ВМРО-ДПМНЕ.
Можеби ќе ве интересира
СОНК: Иако е период на избори, најверојатно ќе почне генерален штрајк во установите од културата
ГЕСТ ЗА ПРИМЕР И ПОЧИТ! Која фирма за свои сограѓани од Свети Николе ќе даде над 250.000 евра?
Маричиќ со „дипломатски“ коментари на предлозите на Османи за Сребреница и Отворен Балкан
„Алкалоид“ најпосакуван работодавач за 2023 година – апсолутен победник според „Вработување.ком“
„ВЕНКО, ЗОШТО ПАК ВО ПОЛИТИКА, МЕСТОТО НА ДОКТОРИТЕ Е ВО ЗДРАВСТВЕНИОТ СИСТЕМ?“: Филипче одговори на прашањето што сите си го поставуваат
„ОВА НЕ Е НОРМАЛНО ШТО СЕ СЛУЧУВА ВО СКОПЈЕ“: Кејот под мостот Гоце Делчев претворен во паркинг!
„АКО ИМЕТО ЗАПАДЕН БАЛКАН ВИ ЗВУЧИ ПОГРДНО, ЗАГАДЕН БАЛКАН Е 100 ПРОЦЕНТИ ТОЧНО“: Д-р Нико Беќаровски објави поразувачка листа, Македонија втора во Европа по загаден воздух
НАЈАВЕНИТЕ ПРОГНОЗИ СЕ ОСТВАРУВААТ: Снегот пристигна и во Македонија, еве каде паѓаше
