ВМРО-ДПМНЕ жали за прекинатите македонски реклами на BBC и CNN
Објавено во: Македонија 22 Јуни, 2017
Новата влада предводена од Зоран Заев реши да ја прекине рекламната кампања за Македонија која во континуитет се одвива на светските ТВ мрежи BBC и CNN под изговор дека веќе не се потребни и со тоа ќе се заштедат 10 милиони евра во многу тежок период за сервисирање на државниот буџет. Сепак, одлуката наиде на критики од страна на ВМРО-ДПМНЕ кои сметаат дека токму рекламите за инвестирање и туризмот во Македонија донеле многу бенефиции.
- Владиното рекламирање во овие реномирани медиумски куќи позитивно ја презентираше Република Македонија и ги запозна мегународните инвеститори со бизнис можностите кои ги нуди Република Македонија. Владиното рекламирање во овие еминетни медиуми го зголеми и бројот на странски туристи во Република Македонија, па така од некогашните 442.845 ноќевања во 2006 година, во 2015 бројката на странски туристи кои оствариле ноќевање во Републука Македонија изнесува 1.036.383.
Емитувањето на Владините реклами и промоцијата на Република Македонија одеше под уставното име на државата промовирајќи ги највисоките национални интереси. Со укинувањето на рекламите, СДС го тргнува и промовирањето на името Македонија од светските медиуми во позитивен контекст.
Наместо антиреформи граѓаните од СДС очекуваат минимална плата од 16.000 денари, просечна плата од 30.000 денари,а лекарите очекуваат плата од 100.000 денари, граѓаните ги чекаат и новите 500 километри автопат кои СДС им ги вети“ се вели во соопштението на ВМРО-ДПМНЕ.