Во Агрокор почнува распродажба на луксузни јахти, автомобили и хеликоптери
Објавено во: Балкан 22 Мај, 2017
Во хрватското седиште на Агрокор овие денови почнува продажбата на имотот кој не е неопходен за работа, а први на списокот се луксузна јахта, хеликоптер и автомобил, пишува јутарњи весник.
Тој потег го најавила потпретседателката на Владата Мартина Далиќ, која пред неколку дена кажала како смета дека Агрокот, во контекст на дополнителна ликвидност, треба да започне со продажба на имот кој не е неопходен за работа на производни и малопродажни фирми од својот состав.
Од канцеларијата на принудниот управник, на прашањето на јутарњи, потврдено е дека се разгледува „продажба на недвижнини и подвижен имот кои не се потребни за да работи Агрокор“. Како прв чекор е најавена и „подготовка за јавен повик за собирање на интересот на потенцијални купувачи за купување на хеликоптер и јахта кои се во сопственост на компанијата, кој ќе биде објавен идната недела“, и се додава дека принудната управа работи и на намалување на возниот парк. Во контакт со лизинг куќи се решава прашањето на најлуксусзни автомобили како мерцесед, ренџ ровер и ауди а условите за продажба на имот, наведува принудната управа, ќе бидат објавени на веб страниците на компаниите.
„Одамна се знаеше каков хаос ќе направи Агрокор“
На штетност на продажбата на Меркатор на Агрокор соговорник на Магазинот Бизнис професорот Јанес Прашникар од Економскиот факултет во Љубљана предупредувал со колегите уште во 2012 година.
Сега во интервју за тој економски месечник наведува дека, помеѓу останатото Агрокор во тој момент бил во полоша финансиска ситуација отколку Меркатор.
„И тоа не само кога се работи за вкупниот финансиски долг туку и бизнис долг. Имено, Агрокор својот бизнис уште пред купувањето на Меркатор го градел на екстремно задолжување на фирми во Словенија и пошироко во регионот, во период пред доаѓањето на големата финансиска криза во 2008 година, и после неа“, наведува Прашникар .