Во Апелациониот суд ќе се одлучува дали Мукоски, Јовановски и Пепиќ ќе излезат од притвор
Објавено во: Македонија 22 Февруари, 2018
Денес на јавна седница во Апелациониот суд во Скопје судиите повторно ќе расправаат за продолжениот притвор на Крсто Мукоски, Владо Јовановски и на разузнавачот Мунир Пепиќ. На седницата ќе биде разгледана и жалбата на пратеникот Љупчо Димовски за укинување на куќниот притвор.
Вчера во Апелациониот суд во Скопје беше донесена одлука поранешниот министер за внатрешни работи, Митко Чавков, и понатаму да остане во притвор, а на Љубен Арнаудов, Богдан Илиевски (Бетмен Велит), Борис Дамовски, Јане Ченто, Оливер Радулов и на Иван Цветановски им го укина притворот.
Кривичниот суд набргу повторно ќе треба да одлучува за продолжување на мерките што ги бара Обвинителството за настаните од 27 април лани во македонското Собрание.