Во кои сектори најчесто работат Македонците?

Добивај вести на Viber

Голем дел од вработените луѓе во Македонија се ангажирани во преработувачката индустрија, земјоделство и трговија. 

Преработувачкиот сектор има 137 615 работници. Во трговија се вработени  104 514 луѓе, а во земјоделство 120 303 луѓе. 

Во градежништвото има  52 140 работници, а во јавна управа и одбрана; задолжително социјално осигурување работат  53 969 работници. 

Овие податоци се објавени во анкетата за работната сила во 2016 година што ја спроведе Државниот завод за статистика.

Од вкупно 723.550 вработени, половина се вработени во овие три дејности. Од друга страна најмалку луѓе работат во дејностите поврзани со недвижен имот и во рударството. 

Со недвижности работат 1 615 луѓе, а во рударството  6 416 луѓе. 

Во Македонија во 2016 година имало 225.049 невработени. Повеќе од половината од нив, односно 63,8%, се лица на возраст од 25 до 49 години. Меѓу најмладите лица на возраст од 15 до 24 години, невработени биле 18,4%, додека најмалку невработени има кај возрасната група од 50 до 64 години, односно не работат 17,7%. 

Последните податоци на Државниот завод за статистика покажуваат дека во Македонија во 2016 година имало 948.599 лица активно, работоспособно население, при што стапката на невработеност изнесувала 23,7%. Од вкупниот број невработени, 62,9 %се мажи, а 37,1% се жени.