Во Радовиш ќе се гради прочистителна станица

Добивај вести на Viber

Прочистителна станица ќе се гради во Радовиш,  а се очекува истата да го реши и проблемот со отпадните води од градот кои завршуваат во радовишкото поле и претставуваат опасност за загадување. Најсовремена германска технологија ќе се применува за реализацијата на овој проект која според изјавите на  градоначалникот на Радовиш, Роберт Велков треба да овозмжи високи стандарди за заштита на животната средина. -Се работи за еден силосен систем, не е отворена, значи буквално ако се набљудува  од страна можеби ќе се добие впечаток дека се работи за некоја винарија, а не за прочистителна станица. Тоа е станица која што не отпушта никаков мирис или загадување, а во исто време и аеробна и анаеробен третман на тие води кои во реципиентот практично 99%,   се испуштаат како  чиста прочистена вода. Тој проект е од суштинско значење. Нашето население се занимава со земјоделие, така да таа вода ќе биде користена за наводнување, вели Роберт Велков, градоначалник на општина Радовиш. Проектот прочистителна станица Радовиш треба да започне во текот на следната година, а неговата реализација ќе чини околу 5 милиони евра.