24 Февруари, 2018
0.4550
    ALK 7926.24    0.48%     GRNT 818    0.99%     KMB 3350.61    -0.14%     PPIV 39900    2.05%     RMDEN15 95    -0.11%     RMDEN16 95    0%     STBP 650    8.33%     STIL 140    0%     TEL 295    -0.18%     TNB 14052.14    2.39%     TPLF 1712.35    0.69%     UNI 2050    0%     VITA 7790    0%

Во Скопје ќе биде тесно, ќе ја решат албанските партии

Објавено во: Анализа 10 Октомври, 2017

Партиите кои се тркаат за локалните избори веќе знаат во која општина имаат поголема поддршка, а каде шансите за победа им се помали па сосема разбирливо своите фокуси и напори ги насочуваат таму каде што им е најпотребно. Скопје како издвоена единица на локалната самоуправа ќе биде од исклучителна важност и за ВМРО-ДПМНЕ кои имаат зад себе два мандата со Коце Трајановски за кого се создаваше слика на вреден и посветен градоначалник. Сепак, растот на популарноста на СДСМ на последните парламентарни избори во Изборната единица 1 каде победија со 11:9 пратеници како и веќе одамна официјализираната коалиција со ДУИ му дава огромни шанси за победа на кандидатот Петре Шилегов кој ќе се обиде да ја смени власта и на локално ниво. 

СДСМ неодамна го одржа својот централен митинг на кој демонстрираше елен, заедништво, енергија и сплотеност иако доби многу критики дека вакви мега митинзи веќе не се потребни и дека истите потсетувале на времето на Груевски во врвот на популизмот. Сеедно, потегот од политичка гледна точка им донесе многу повеќе бенефит, па дури успешно изведоа и носење поддржувачи од останатите градови низ Македонија. 

Да не бидеме наивни, ништо помалку мегаломански нема да биде претстојниот централен митинг на ВМРО-ДПМНЕ кој на 13 петок ќе се одржи во Скопје, како последен обид да се затвори кампањата со силен впечаток и да се остават импресии кај симпатизерите и потенцијалните гласачи. Во повеќето анкети кои излегоа периодов од независните инстути за истражување се прогнозира дека најреално сценарио е да има втор круг на гласање за град Скопје бидејќи рејтингот на Петре Шилегов и Коце Трајановски е речиси изедначен.

Некои анкети му даваат блага предност на Шилегов со комбинираните гласови на СДСМ, коалицијата и ДУИ, како и на повеќето Македонци и Албанци. Коце Трајановски ја има традиционалната поддршка од повеќе скопски бастиони на ВМРО-ДПМНЕ, но прашање е дали ќе успее сите да ги убеди дека тој не се меша во дневните политики и дека главна преокупација му е напорната работа како градски татко. 

Доколку дојде до втор круг што е реално сценарио тогаш шансите за победа ќе се зголемат за Шилегов токму поради официјалната коалиција и поддршка од ДУИ, додека пак потенцијалните партнери на Трајановски како гласачите на БЕСА не би имале голем мотив да излезат и да гласаат за него во вториот круг, но секако и за таа теорија треба да има простор за резерва бидејќи во политиката се е возможно.

Автор: Христијан Станоевиќ

Можеби ќе ве интересира

Дали е време Лилјана Поповска да се повлече од политиката?

Дали е време Лилјана Поповска да се повлече од политиката?

Манифести, меморандуми, апели - Кој би ги прекинал преговорите за името?

Манифести, меморандуми, апели - Кој би ги прекинал преговорите за името?

Дали фан клубот му направи услуга на Заев и ПР тимот на Владата?

Дали фан клубот му направи услуга на Заев и ПР тимот на Владата?