Во скривница на мафијашка организација најдени слики од Ван Гог
Објавено во: Свет 30 Септември, 2016
Две украдени слики од Ван Гог се пронајдени при рација на италијанската анти-мафиска полиција во Неапол.
Сликите „Поглед на морето во Шевенинген“ и „Напуштање на црквата во Нуне“ се украдени на 7 декември 2002 година во Амстердам, а според првичните информации, платната се извадени од оригиналните рамки, но се неоштетени и се во добра состојба.
Тие биле во скривница на мафијашката организација Камора, а кога ќе бидат вратени во Музејот на Винсент Ван Гог не се знае.
Овие дела пред да бидат украдени се проценети дека вредат 30 милиони долари. На аукциите секогаш делата на Ван Гог се продаваат за милионски суми. Украдените слики се насликани во 1882 и 1885 година.