ВО СОСЕДСТВОТО: Масовно се откажуваат од државјанства за да земат европско
Објавено во: Балкан 03 Септември, 2017
Граѓани на Косово и понатаму масовно се откажуваат од косовското државјанство, за да добијат државјанство на некоја западноевропска држава.
Во првите три месеци од 2017 година барање да бидат избришани побарале 1.305 косовски граѓани, а позитивен одговор имало за 1.280 Косовци.
„Најголем број од оние кои во периодот јануари-март годинава доставиле барање за бришење од регистарот на државјани се косовски граѓани кои побарале германско државјанство или 1.098 лица,потоа австриско државјанство 138, државјанство на Словенија 27, на Норвешка 15, на Холандија 16, на други држави 11 косовски граѓани. Од нив позитвен одговор или државјани на земјата каде поднесле барање станале 1.280“ - пишува приштински „Експрес“.
Инаку, од 2009 и заклучно со 2016 година од регистарот на државјани на Косово се избришани 37.823 косовски граѓани по сопствено барање.
Но, мал е бројот на странски граѓани кои аплицирале за косовско државјанство. За добивање на косовско државјанство барање доставиле 148, при што позитивен одговор добиле 58 од нив.
По 2009 година, за пет години 30.000 Косовци се откажале од косовско државјанство.Во истиот период и над 4000 албански државјани се откажале од албанско државјанство за да добијат европско.