ВО ТУРИЗМОТ УРИВААТ РЕКОРДИ: Дали гостите трошат повеќе пари од порано?
Објавено во: Балкан 11 Септември, 2017
Туризмот во една од балканските земји урива рекорди.
Националното статистичко биро во Хрватска ги подготвува оценките за БДП на земјата, а аналитичарите предвидуваат дека во 2017 година приходите од туризмот ќе ги надминат 800 -те милиони евра заработени во летната туристичка сезона на 2016 година.
По добриот старт на сезоната, туризмот во Хрватска во летните месеци се развива во нагорна линија, што се забележува на јадранскиот брег. На Истра, во градот Рабац трговците велат дека во текот на летото на 2017 година туристите трошеле многу повеќе пари за време на одморот, во споредба со предходните години.
Но, претставниците на индустријата во Сплит, нагласуваат дека приходите остануваат на нивото од пред една година, и покрај зголемениот број на туристи. Од Министерството за туризам во Загреб oбјаснуваат дека општите броеви го докажуваат зголемувањето на пристигнатите туристи и бројот на реализираните ноќевања, како и севкупните финансиски показатели, се многу добри во споредба со оние од минатата година, објави Радио “Фокус” во рубриката “Балкански туристички часовник”.
Хрватскиот министер за финансии, Здравко Мариќ рече дека засега е премногу рано за претставувањето на точни информации за туристичката потрошувачка, но показателите до овој момент се задоволувачки.