Во завршна фаза Зелениот пазар во Кисела Вода
Објавено во: Македонија 03 Декември, 2012
Зелениот пазар во Општина Кисела Вода лоциран на улица „Франк Харкорд Манинг“, од средината на овој месец ќе биде пуштен во употреба.
Општината информира дека во моментов се поставуваат 40 тезги со настрежници за продажба на земјоделски производи. Пазарот ќе се простира на површина од околу 250 квадратни метри. Градежните работи ги врши “Бортас”.
Во рамките на пазарот ќе има чешма за вода, тоалети, а ќе се обезбеди и пристап за возилата кои ќе ги доставуваат производите.
Во изминатиот период на оваа локација егзистираа неколку тезги за продажба на земјоделски производи, кои никако не можеа да ги задоволат барањата и потребите на жителите на Кисела Вода за земјоделски производи.
Одржувањето на пазарот ќе биде во надлежност на ЈКП “Комуналец – Кисела Вода”, а за изградбата на овој пазар, општината од својот буџет издвои околу 4 милиони денари.