Водачот на бандата „Пинк Пантер“ однесе во гроб тајна вредна 11 милиони долари
Објавено во: Балкан 06 Јануари, 2017
Борко Илиниќ, еден од водачите на бандата на крадци „Пинк Пантер“, пронајден е мртов во својата ќелија во затворот во Обединетите Арапски Емирати и со тоа се смета дека во „гроб ја однел“ тајната вредна 11 милиони долари.
Илиниќ најпрво беше естрадириран од Шпанија во Дубаи за да одговара за грабежот извршен во 2007-ма кој беше извршен на спектакуларен начин во трговскиот центар „Вафи“. Групата на „Пинк Пантер“ упадна со два автомобили, ја пробија златарата „Граф“ и за само една минута успеаја да украдат скапи дијаманти, накит и часовници вредни 11 милиони долари.
Сепак, истражителите и во Шпанија и во Дубаи не дознаа од Илиниќ што се случило со богатиот плен, дали кражбата е извршена по нечија наредба и каде завршиле дијамантите. Илиниќ најпрво беше осуден на доживотен затвор, за потоа казната да му биде намалена на 10 години. Останатите „бандити“ исто така не открија што направиле со дијамантите.