ВОУТЕР ПЛОМП ЗА ФАКТОР 24: Разочаран сум од монологот во Собранието, изберете претседател и зафатете се со работа!
Објавено во: Македонија 29 Март, 2017
Изборите на 11 декември беа под мониторинг на многу меѓународни набљудувачи, и се оценети како можеби најдобрите и најслободните избори кои Македонија ги имала досега. Македонските граѓани јасно го изразија својот став преку дадените мандати. 120-те пратеници се избрани, па би рекол нека почне Парламентот со работа и нека започне со вистинските дискусии откако ќе се формираат институциите на Парламентот.
Парламентот нека го избере претседателот и нека почне со работа порачува, Воутер Пломп, амбасадор на Холандија во Макеоднија.
Присуствував на продолжувањето на конститутивната седница, и искрено, бев разочаран од монологот кој се одвиваше. Мислам дека на земјата и на Собранието им е потребен дијалог меѓу партиите“, вели холандискиот дипломат во интервју со магаазинот Фактор 24.
На прашање како ги оценува обидите да се опструира работата на СЈО, холандскиот амбасадор со став:
„Специјалното обвинителство е клучен дел на Договорот од Пржино. Да не заборавиме дека целата оваа политичка криза започна пред повеќе од 2 години со тнр. „прислушкувања“ кои открија сериозни наводи закорупција и криминал.Специјалното обвинителство е основано токму за темелно да ги истражи тие наводи и да ги изведе пред правдата. Ова што го гледаме во последните месеци или година, е токму она што беше опишано од извештајот на Стејт департментот, во кој се вели дека е јасно дека постои координи рана кампања за намалување на кредибилноста и професионализмот на СЈО. Тоа е сериозно. Зашто ако СЈО не може да го спроведе она за што е основано, темелно да ги истражи наводите, тогаш се чини дека целиот процес од Пржино е залуден. Така што, освен ако СЈО не го спроведе она за што е формирано, нема да има крај на оваа криза. Важно е тимот на СЈО да продолжи со работа се додека е неопходно“, вели во интревју Воутер Пломп за магазинот Фактор 24.
Целото интервју ќе можете да го гледате вечерва во 23.00 часот на ТВ 24.