Возовите не тргнаа ниту денес
Објавено во: Економија 24 Февруари, 2017
Поради штрајкот на вработените во Македонски железници Транспорт возовите не тргнаа ниту денес.
Веќе една недела трае штрајкот на вработените во ова претпријатие кои бараат целосна исплата на заостанатите плати а не по половина.
Вчера и директорот Никола Костов поднесе оставка.
Владиниот портпарол Александар Ѓорѓиев пак не даде конкретен одговор како ќе се реши проблемот на вработените но затоа пак обвини дека постоеле обиди за политизација на штрајкот.
„Имаме информации дека мал број вработени ја попречуваат работата на 3.000 лица кои се вработени во железницата и тоа треба да прекине. Треба луѓето да работат за да можат да ја добијат дополнителната поддршка и за да можат да си ги извршуваат нивните обврски кон коминтентите, да остваруваат дополнителни приходи и да не предизвикаат штета во нивното работење поради евентуално неисполнување на договорните обврски“, наведе Ѓорѓиев.
Организаторите на штрајкот потенцираат дека се додека не им се исплатат целосно сите заостанати плати нема да го одглават сообраќајот на товарните и патнички возови.