Возрасен работник падна од скеле и почина во Велес
Објавено во: Македонија 25 Јули, 2017
Утрово градежен работник од Велес паднал од скеле при изведување градежни работи и починал од здобиените повреди.
Според информацијата од СВР Велес, околу 9 часот 69-годишниот Д.М. од Велес изведувал градежни работи на куќа која се наоѓа на улицата Петре Милевски бр.11 во Велес, паднал од скелето и им потклекнал на повредите.
Како што информира портпаролот Верољуб Додевски, по овластување од Основно јавно обвинителство – Велес, увид на местото на настанот извршила екипа од СВР Велес.