ВРАЌАЊЕ НА СИНДИКАТОТ ВО РАЦЕ НА РАБОТНИЦИТЕ: Како ќе ги заштити новата влада работничките права?

Добивај вести на Viber

Во текот на вчерашниот ден неколку синдикати имаа средба на која акцентот беше ставен околу идните ставови на новата Влада околу заштитата на работниците.

Генералниот секретар на СДСМ во име на неговата партија рече дека во тој дух тие ќе се залагаат да го вратат дијалогот меѓу работниците, работодавачите и Владата

Спасовски истакна дека Македонија има потреба од вистински, слободни и неокупирани синдикати и дека всушнпст новата влада ќе има задача да им обезбедат на работниците слободни синдикати преку кои ќе може да се борат за нивните права.

„Тоа можеме да го направиме само преку отворени дијалог работодавачите, работниците и Владата и тоа е нешто што мора веднаш да го започнеме и да разговараме за сите оние отворени прашања кои пред се ќе значат зголемување на минималната и просечна плата во Македонија и заштита на работниците, нешто што мора да стане пракса во Македонија и само преку таков еден дијалог да ги носиме сите решенија, затоа што носење на било какво законско решение или одлука која нема да ги остварува целите на работниците, тогаш мислам дека се пропаднати закони“, посочи Спасовски.

На средбата беше заклучено дека најважно од се е синдикатите да се поставени на ниво кое е достојно за еден синдикат и да се промени праксата како во моментов за синдикатите да одлучуваат партиите на власт.

Независните синдикати се потребни за да отворат суштински прашања, да им се спротивстават или да покренат иницијатива за одредени прашања кои ќе бидат во нивна корист.