Вучиќ: Дојдоа вооружени до заби со митралези и тоа е демократија

Добивај вести на Viber

Српскиот премиер, Александар Вучиќ за возот кој требаше да сообраќа од Белград до Косовска Митровица  вели дека станува збор за обичен воз, а не тенк или оклопно возило и додава дека од другата страна имало вооружени луѓе. 

Во возот имало патници, родители со деца кои требало да се симнат на последната станица во северниот дел на Косовска Митровица. Српскиот премиер праша кој од тоа можел да биде загрозен.

„Ние имаме воз црвено-син- бел со слики, фрески во него, а тоа што тие дојдоа со митралези, наоружано до заби, на територија каде што не смеат да бидат без дозвола на локалното население, тоа е демократија, а ние сме криви за тоа како изгледал возот“ - рече Вучиќ.

Според него ЕУ и НАТО биле запознаени со целата таа состојба, но не реагирале.

„Никој не беше навредуван. За Албанците е навреда тоа што во возот се наоѓаат фрески од манастир во Косово и Метохија“ - вели Вучиќ. 

Кажа дека најверојатно голем број на Срби денеска се бесни што возот не стигнал до целта.

„Можевме да го пуштиме возот до Косовска Митровица, но тоа не беше наш интерес. Ќе имаше жртви на сите страни“ - додаде Вучиќ.

Тој посочи дека доколку не ги молел Србите да се повлечат сега би имало војна затоа што Албанците биле наоружани.