Вучиќ тврди дека Косово има поддршка од ЕУ, а договореното не се почитува
Објавено во: Балкан 04 Февруари, 2017
Српскиот премиер, Александар Вучиќ вели дека ниту ЕУ, ниту Косово ги почитуваат договорите и ги менуваат постојано правилата.
Тој повторно ја повика ЕУ да излегува со појасно позиции во врска со дијалогот меѓу Косово и Приштина или да ги почитува договорите за повеќе од 5 минути.
„Отидовме во Брисел со однапред одредени теми и само две останаа на масата. Кога почнавме да ги разгледуваме ни беше дадено јасно да сфатиме дека нема да има дискусија на заедницата на српските општини во Косово“ - рече Вучиќ.
Смета дека косовската делегација го почитувала договорот околу 5 минути, а може и помалку, или онолку време колку што им било потребно да се симнат од 6 кат на зградата во ЕУ каде се водел преговорите, до приземјето каде ги чекале новинарите за да дадат изјава сосем спротивна од тоа што се договорило.
Одговарајќи на прашањето дали на маса било признавањето на Косово, Вучиќ вели дека во Брисел „правилата се менуваат на секои 15 минути“ и дека албанската страна ја има поддршката на ЕУ. Насилниците од Приштина сакаат на сила да направат нешто, додава Вучиќ.
Претходно портпаролката на Европската комисија, Маја Коцијнчич кажа дека Белград и Приштина треба да ја смират реториката и да се воздржат од навредливи пораки.