За 200 илјади долари добивате албански пасош!..или без пари ако сте етнички Албанец

Добивај вести на Viber

Секој странец што во Албанија ќе инвестира над 200 илјади долари да добие државјанство на оваа земја, се бара во предлог-законот усвоен од страна на албанската влада. „Тоа е практика и во други земји. Пред еден месец одлучи Бугарија, ваков закон има и Унгарија и Црна Гора, а во ваква или друга форма вакви закони имаат и други земји“, изјави премиерот Сали Бериша. Според него, овој закон не ги опфаќа етничките Албанци, зашто за нив ќе има посебен закон зашто според него не треба да изгледа дека им се продава државјанство на Албанците бидејќи тие природно имаат албанско државјанство. Исто така тој побара од опозицијата побрзо да се донесе закон за давање државјанство на сите Албанци каде и да се.  Бериша вели дека ова не е никаков политички маркетинг, а вакви закони имале сите во регионот. „Не се малку оние албански државјани кои добија македонско државјтнство и земаа македонски пасоши по визната либерализација. Грчки пасоши имаат и припадниците на грчкото малцинство и тоа за Албанија не е никаков проблем“, рекол Бериша. Според него, цртањето на граници во ова време не е во интерес на Албанците, но никој не може да негира дека Албанците живеат во пет држави. Тој вели дека Албанија нема територијални претензии кон соседите, но додава дека соседите требало да се ослободат од албанофобијата.