За Хан Законот за јазици е разумно барање, но не е приоритет кој ЕУ го бара
Објавено во: Македонија 20 Ноември, 2017
Еврокомесарот за проширување и соседска политика, Јоханес Хан денеска во Скопје изјави дека Законот за јазиците е разумно барање, но дека властите треба да направат приоритети.
„Ако Законот за јазиците се усвои во следните неколку недели, врз основа на препораките на Венецијанската комисија, тогаш е во ред. Но, тоа што сега е важно е Владата и другите фактори во земјата да се фокусираат на законите и на условите во земјата кои се релевантни за позитивна препорака. Законот за јазици не е дел од тоа што е договорено во Пржино“ – рече Хан.
Тој вели дека во Брисел се посветени и се залагаат за носење на ваков закон, но дека сега треба да им се даде приоритет на националните интереси.