За прв пат во Македонија активиран дрон за испорака на Samsung Galaxy S8
Објавено во: Мои пари 21 Април, 2017
Дроновите се новата атракција во светот на технологијата откако голем број на модели станаа лесно достапни во секаков вид на примени. Со дроновите секогаш има голема забава, камерите кои се монтирани на нив даваат уникатна перспектива, па токму затоа Македонски Телеком реши да го активира првиот дрон во Македонија кој изврши испорака на супер моќниот премиум смартфон Samsung Galaxy S8.
Во светски рамки големи брендови како Амазон и други веќе вршат испораки на производи токму со дрон, внимавајќи на законските регулативи и безбедноста во авиосообраќајот. Кај нас пионери во оваа област се токму Македонски Телеком кои се потрудија да ги изненадат и воодушеват првите купувачи на Samsung Galaxy S8 кои онлајн си го резервираа одличниот смартфон.
Првите модели на Samsung Galaxy S8 прелетаа од зградата на Македонски Телеком преку плоштадот Македонија до рацете на гордите купувачи кои ќе имаат ексклузивна можност први да ги тестираат можностите на најиновативниот смартфон досега лансиран на пазарот. Samsung Galaxy S8 има Infinity дисплеј со неверојатна прецизност, Quad HD резолуција со HDR+ поддршка, додека пак телото е перфектно изработено со минимална рамка и предната површина целосно е искористена.
Овој иновативен потег на Македонски Телеком треба да означи и нова ера во Македонија со користење на дроновите како ефикасна алатка за достава, снимање видеа, интеракција со купувачите и приближување на најновите технологии.