„За заедничка Македонија“ бара да не се гласа за спикер кој не ја отфрлил Тиранската платформа
Објавено во: Македонија 27 Март, 2017
Од граѓанската иницијатива „За заедничка Македонија“ денеска ги потсетија пратениците од Собранието на Република Македонија дека не смеат да гласаат за претседател на Собранието, кој не ја осудил и отфрлил Тиранската платформа.
Велат дека на оваа многу одговорна позиција во земјата, на позицијата заменик на претседателот на Реублика Македонија и еден од главните носители на надворешната политика кој има улога за надминување на спорот со Грција, недозволиво е да седне човек кој нема јавно да се откаже од формирање на бинационална држава и човек кој не ги признава за свои знамето на Република Македонија, химната и јазикот кој ги обединува сите етнички заедници.
Тие информираат дека во текот на оваа недела заедно со граѓаните ќе ги посетат штабовите на најголемите политички партии во земјата и ќе им порачаат да не си играат со судбината на Македонија.
„Денес на 29-тиот ден од почетокот на нашите протесни маршеви тиранската коалиција на СДСМ сака да започне да ја спроведува платформата потпишана на масата на премиерот на Албанија. За било која суверена земја е врв на срамот кога неодговорни политичари ќе формираат документ под покровителство на туѓа држава и ќе се обидат да го реализираат во својата земја. Особено што содржината на документот бара редефинирање на земјата и нејзиното позиционирање на патот кон федерализација“ - вели Богдан Илиевски од иницијативата.
Тој посочи дека ниту еден обид за маскирање на вистинските намери позади платформата нема да помине, а граѓаните на Р. Македонија не се наивни и секој кој ги потценил нема добро да помине.
Повик до граѓаните упати и Борис Дамовски кој рече дека целта која ја поставиле не можат сами да ја постигнат.
Елена Мисиркова рече дека е на позиција на семакедонско и сеграѓанско обединување.
Можеби ќе ве интересира
ОСМАНИ: Од семејни здравствени причини ќе ги прекинам денешните активности во кампањата
Данела Арсовска: Универзална сала изгоре по еден месец откако е под Министерството за култура
УБАВА, ИНСПИРАТИВНА, ВО ЦРНО - обвинителката Фатиме Фетаи во свој стил го прослави 39 роденден
Среќна сум што НЛБ Банка го препозна потенцијалот на нашиот проект во момент кога тоа ни е можеби најпотребно: Ксенија Николова за „Better Women Better World“
„СЕВЕРНОМАКЕДОНСКАТА ВЛАДА Е ТРГНАТА, ГРЕШКАТА Е ИСПРАВЕНА“ - се огласи МНР по пропустот на Европскиот парламент
„ОСМАНИ Е ЕДНА ОД ГОЛЕМИТЕ ГРЕШКИ НА СДСМ. ДАЛИ Е МЕЃУ ГРЕШКИТЕ ШТО ГИ ПРЕПОЗНАВААТ?“: Најчевска со реакција на изјавата на Османи дека нема да присуствува на средби на Отворен Балкан
Малолетник од Тетово украл автомобил и направил сообраќајка
СПЕЦИЈАЛИЗАНТИТЕ И ДЕНЕС ШТРАЈКУВААТ - се уште нема конкретен одговор од надлежните, предизборниот период главна кочница
