ЗАБРАНА ВО БАВАРИЈА: Нема носење бурка во училиште и на универзитет
Објавено во: Свет 22 Февруари, 2017
Во Баварија ги забранија бурките во училиштата и универзитетите.
Владата на германската покраина Баварија го одобрила нацрт планот кој забранува носење бурка на голем број јавни места.
Облека која го покрива лицето е забранета при влегување во јавните институции, на универзитетите, училиштата, градинките, за време на гласање на избори, а исто така и во случаи кога станува збор за одржување на јавната безбедност.
Министерот за внатрешни работи на Баварија, Јоаким Херман вели дека одржувањето на отворена комуникација е дел од демократските вредности.
„Покривањето на лицето е спротивно на оваа културна комуникација"- истакна политичарот.
Во декември 2016 година, Министерскиот совет на Германија усвои закон за забрана на носење на бурка од државни службеници при исполнување на службените должности. За воведувањето на соодветните ограничувања на други јавни места, како универзитетите и училиштата пример, одговораат провинциите.