Заев бара поддршка за Бејта, Таравари да го средува здравството
Објавено во: Македонија 20 Октомври, 2017
Премиерот и лидер на СДСМ, Зоран Заев денеска во Гостивар рече дека е дојден за да побара поддршка за кандидатот на ДУИ, Невзат Бејта.
„Јас сум дојден да побарам поддршка за Невзат Бејта, но и да дадам збор. Знам дека ако добие поддршка од централната власт тој ќе направи Гостивар да сјае. Од другата страна имаме кандидат кој е министер во мојата Влада. Знам и дека кандидатурата на Арбен, и на Бејта не му е по ќеиф. Ајде да постигнеме договор во Гостивар и предлагам: секој да си ја гледа својата работа. Јас премиерската, докторот да го гледа здравството, а Невзат да си ја води општината. Општината не ја познава никој подобро од него“ - вели Заев.