Заев: Името на Македонија ќе оди на референдум
Објавено во: Македонија 20 Јануари, 2018
Сè што ќе предложиме ќе биде предмет на референдум. И ние и Демократската унија за интеграција и ВМРО-ДПМНЕ и другите партии имаат исти или приближни позиции, рече македонскиот премиер Зоран Заев.
Премиерот вчера беше во Струга по повод црковниот празник Водици.
Тој оттаму изрази уверување дека ќе се најде решение за проблемот што Грција го има со уставното име на Република Македонија.
„Јас сум оптимист, мислам дека меѓу две земји кои се пријатели и имаат намера да бидат уште поблиски, ќе се најде решение кое ќе ги задржи достигнувањата на двете земји и ќе им користи на своите граѓани“, рече Заев во одговор на новинарско прашање.
Премиерот истакна дека за суштината на преговорите, предлозите, обезбедената рамка не треба да се зборува јавно, со цел да не се нарушат можностите за успех во преговорите.
„Гледате дека процесот е транспарентен, сакаме национален консензус за донесување на одлука и на крајот тоа ќе биде потврдено од граѓаните на референдум. Убеден сум дека ако сме внимателни, што важи и за грчката страна, ќе најдеме решение на ова прашање кое ни мачи 25 години“, рече Заев.
Што се однесува до одлуката на претседателот на Македонија Ѓорге Иванов да стави вето на законот за јазиците, Заев рече дека сè вклучено во Законот за јазиците е во согласност со Уставот на Република Македонија. Заев потврди дека состанокот со неговиот грчки колега, Алексис Ципрас, веќе е договорен на 24 јануари во Давос.