Заев: Ќе има ист третман и на странските и на домашните инвеститори
Објавено во: Македонија 15 Септември, 2017
Премиерот Зоран Заев во гостувањето на Топ Тема на Телма одговорајќи на новинарските прашања се осврна и на политиката за привлекување на странски инвестиции по направената анализа за потрошените буџетски средства кои за 10 години се потрошени за директна помош и се склучени со тајни договори со што домашните инвеститори беа ставени во неповолна позиција, а ефектите не се превисоки.
- Треба да го фатиме моментот, не затоа што не критикува опозицијата. Дел од програмите на претходната влада дале резултати за привлекување на странски инвестиции. Европа дава до 50% поддршка од инвестицијата и треба да продолжиме да ги мотивираме и странските и домашните инвеститори, но треба да има еднаков однос кон сите. Треба да се искористи позитивниот момент на подобрување на односите на Балканот и поддршката од меѓународната заедница. Бугарија и Албанија имаа голем раст на инвестиции штом влегоа во НАТО, за пет до десет пати. Затоа Македонија треба да стане брзо членка на НАТО, рече Заев.