Заев: Лага е дека ќе го продадам името, немам сметки во Белизе како други политичари
Објавено во: Македонија 12 Октомври, 2017
Зоран Заев, предводникот на СДСМ, во последните денови од изборната кампања се повеќе говори за генералните политики отколку за локалните проблеми, па овој пат на митингот во Прилеп вети дека може да се реши спорот за името, а притоа да се сочува гордоста на Македонците.
„Доста беше лажен патриотизам, Македонија ќе биде 30-та членка на НАТО и ќе почне преговори со ЕУЌе покажеме дека можеме да решаваме проблеми со пријателство и добар дух зашто нашата иднина се ЕУ и НАТО. Македонија ќе го реши проблемот со името, а граѓаните ќе бидат горди Македонци.Доаѓа ново време за нашата земја, Македонија е разбудена“ изјави Заев на митингот во Прилеп.
Заев исто така кажа дека голема лага е дека бил избран за да го сменел името, тој вели дека се што има е во Македонија и нема сметки во странство, во Белизе или на Рајски острови како други политичари.
Засега од СДСМ и од Владата посочуваат само дека потребно е да се градат пријателски односи со Грција, да се врати довербата и да нема нови провокативни чекори. Заев речиси во сите јавни настапи во кои говори за спорот за името е убеден дека постои начин како да истиот да заврши, а Македонија и Македонците да не се почуствуваат обесправени и омаловажени.
Се очекува по завршувањето на локалните избори да се рестартираат разговорите со Грција за решавање на деценискиот спор за што ќе следува и силна меѓународна поддршка. Македонија и новото владино раководство добија „ветер во грб“ од надворешните пријатели за започнатиот процес на реформи и сакаат час поскоро да не видат на заедничка маса во НАТО, за потоа да се работи и на преговорите за членство во ЕУ.