Заев: Мнозинството има право и обврска да го преземе водењето на Парламентот
Објавено во: Македонија 26 Април, 2017
Парламентарното мнозинство има право и обврска да си преземе одговорност во водењето на Парламентот, како избор на претседател од своите редови. Ова денеска го изјави првиот човек на СДСМ Зоран Заев.
Тој во изјава за ТВ24 вели дека тоа важи за секое парламентарно мнозинство и демократија, па така и треба да биде и во Македонија.
Заев вели дека постојат многу алтернативи, но одбива да ги открива тактиките поради тоа што може да предизвикаат одредени чекори од опонентот а сето тоа да донесе несакани состојби.
„Не би сакале да се повтори 24 декември или нешто згрозувачко за Македонската јавноста, бидејќи видовме на што се подготвени ВМРО ДПМНЕ и нивните коалициони партнери“, истакна Заев.
Тој рече дека мнозинството ќе ги преземе сите алтернативи кои се во рамки на Законот, Уставот и Деловникот.
Во изјава за Алсат-м лидерот на СДСМ очекува скоро одблокирување на институциите.