Заев од Крушево го повика Груевски на ТВ Дуел!
Објавено во: Македонија 21 Ноември, 2016
Опозицискиот лидер на првиот митинг на СДСМ и коалицијата за живот во Македонија вечерва во Крушево го повика Никола Груевски на ТВ дуел.
„Ајде Никола повели на дуел, да ги соочиме фактите, да те прашам што ги боли граѓаните, па да ја платиш цената пред екраните за тоа што не се повлече три дена по бомбите. Ако си тоа што велиш дека си, нема да бегаш. Прифати дуел или замини среде кампања во политичката историја на Македонија. Пенкалото е кај граѓаните на Македонија! Тие на 11-ти Декември ќе изберат живот во Македонија! Режимот ќе падне на изборите!“, рече Заев во Крушево.
Тој пред присутните, во позитивна атмосфера ја покажа и претстави Програмата на СДСМ и коалицијата за живот во Македонија.
„Главна цел на новата Влада ќе биде парите да ги врати во семејните буџети на секој од вас, граѓаните“порача меѓудругото претседателот Заев вечерва во Крушево.