Заев: Ова е нов почеток за нашата Македонија, надежта е разбудена
Објавено во: Македонија 27 Мај, 2017
Лидерот на СДСМ, Зоран Заев на 22-от конгрес на партијата изјави дека живот во Македонија мора да има и граѓаните по 11 години ќе имаат своја реформска Влада.
Заев вети мирен живот, безбедност, правда, еднаквост.
Рече дека сега има можност да се изгради едно општество за сите.
„Ова е нов почеток за нашата Македонија. Знам дека надежта е одново разбудена“ - рече Заев.
Вети повеќе работни места, развој на претпријатија, економски раст.
„Луѓето се мирни кога живеат во општество кое се темели на чесност, со рамноправни услови за сите. Мора да се фокусираме на она што нè зближува, не на она што нè разделува. Различностите се нашата сила и со сета сила ќе се борам против поделбата која го ослабна општеството“ - вели Заев.
На конгресот беше прикажано видео со случувањата од изминатите години.