Заев пречекан со овации, ги почнува разговорите со партиите
Објавено во: Македонија 17 Мај, 2017
Претседателот на СДСМ, Зоран Заев денеска пред партиското седиште беше пречекан со овации по повод добивањето на мандат од шефот на државата, Ѓорѓе Иванов за составување на влада.
Тој изјави дека за таа цел од денеска ги почнува средбите со коалиционите партии и политичките партии на Албанците. Заев вели дека нова Влада ќе има час поскоро затоа што процесите за промена мора да се случат веднаш.
„Јас сум поприлично убеден дека ќе формираме влада во многу брз период и ќе излеземе пред парламентот со целото образлагање за програмата на новата Влада и новиот владин кабинет. Чувствата се многу среќа и одговорност. Граѓаните очекуваат резултати. Се надевам дека ќе носиме мудри одлуки, да работиме умно со интересите за сите наши граѓани“ - вели Заев.
Тој вели дека планираат да го укинат екстерното тестирање, а за субвенциите апелира да бидат исплатени на земјоделците.
Тој попладнево се сретна со претставници на БЕСА.