Заев се виде со Села и Ахмети, остана уште Касами за комплетирање на новата влада
Објавено во: Македонија 22 Мај, 2017
Денеска се одржа средба помеѓу претседателот на СДСМ, Зоран Заев и Зијадин Села од Алијанса за Албанците. За Села ова е прв јавен настап по бруталното претепување во Собранието на Крвавиот четврток.
- Теми на средбата беа принципите на соработка на новата реформска Влада. Разговарано е и за првичните позиции околу ресорските решенија во Владата. Со средбата со лидерот на ДУИ Али Ахмети, Заев ги продолжи интензивни преговори со партиите од парламентарното мнозинство околу составот на новата Влада на Р.Македонија, соопштија од СДСМ.
Како што посочи самиот Заев, но и партиското раководство на СДСМ засега се утврдуваат основните програмски цели, а веќе од утре ќе се разговара за поделба на ресорите и имињата на кандидатите кои ќе седнат во министерските фотелји.