Заев: Условите во затворот Идризово се под секое човечко достоинство

Добивај вести на Viber

Разочараност и засраменост констатирана кај премиерот Заев од увидот при посетата на Казнено-поправниот дом „Идризово“.

Премиерот не го сокри разочарувањето од условите во затворот, и додаде дека му е срам што е премиер на држава со таков затвор. 

„Овде нема минимум услови за издржување казна… Срам ми е што сум премиер на држава со вакви затвори, со нехумани и супстандардни услови, под секое човечко достоинство. Јас сум за закон за амнестија, се надеваме дека што побргу ќе може да влезе во владина и во собраниска процедура“, изјави Заев по обиколката на затворот заедно со со народниот правобранител Иџет Мемети и извршниот директор на Хелсиншки комитет за човекови права на Република Македонија Уранија Пировска.

Она што го најави премиерот е дека преку медиумите Владатаќе се обиде да поттикне дебата во општеството за итно подобрување на условите во затворите.

Како една од опциите, за растоварување на пренатрупаноста во „Идризово“, тој ја наведе амнестијата на дел од осудениците, преку укинување на 30 отсто од вкупната казна или преку други методи за кривичните дела за кои постои таква можност, но, не и за тешките облици на криминал, како педофилија или злостроства против човештвото.

Исто така премиерот наведе дека некои делови од „Идризово“ треба да се урнат бидејќи е невозможно да се реновираат.